Volver a Inscripción

Inscripción: Ayuda- Asturianu

¿Quién puede pertenecer a l’Academia?

L’ingresu na Asociación va poder ser solicitáu por cualesquier persona física nacida n’Asturies o con residencia y actividá profesional xustificada n’Asturies que tenga interés nel desenvolvimientu de les finalidaes y oxetivos de l’Academia.

¿Qué tipos de socios/es hai?

Hai dos tipos de socios/es:

  1. Asociaos/as: Son una categoría de transición para aquelles persones interesaes en pertenecer a l’Academia y que (entá) nun cumplen los requisitos necesarios para ser Académiques/cos.
  2. Académicos/ques: Aquelles persones pertenecientes al sector cinematográficu que cumplan los siguientes requisitos:
    • Acreitar esperiencia nel sector cinematográficu participando pelo menos en dos obres cinematográfiques estrenaes en festivales internacionales o dos obres rexistraes nel ICAA o entidá asemeyada.
    • Alternativamente, ser nomináu/ada a dalgún de los premios añales de les Academies de cine del mundu.
    • Escepcionalmente, el/la profesional que desendolque una actividá dientro del sector cinematográficu o audiovisual, non descrita nel puntu 1 pero que, a xuiciu de la Xunta Directiva, amerite selo: inclúise nesti supuestu xestores institucionales, programadores, críticos o profesores universitarios, lo mesmo qu’instituciones públiques rellacionaes col sector cinematográficu, ente otros.

¿Cuáles son les cuotes sociales?

Establécense dos cuotes sociales estremaes:

  • 5€/mes (60€ al añu) p’Académicos/ques
  • 2’5€/mes (30€ al añu) p’Asociaos/ques

¿Cómo se solicita l’ingresu?

La persona interesada n’ingresar na Academia debe d’unviar la fueya d’inscripción rellenada y roblada al mail de l’Academia (puede mandala en formatu pdf, semeya…) info@academiadelcineasturiano.com 

¿Cuáles son les finalidaes y oxetivos de l’Academia?

  1. Axuntar les persones profesionales del sector creativu, técnicu y de producción cinematográfica d’Asturies pa dar una identidá a les nueses producciones cinematográfiques.
  2. Aunar el sector cinematográficu asturianu.
  3. Promocionar, esparder y dar prestixu al cine asturiano en tol territoriu, énte los medios de comunicación y el públicu en xeneral.
  4. Facer, editar y esparder estudios y trabayos científicos, artísticos y técnicos rellacionaos cola cinematografía y artes asemeyaes que la Xunta Directiva cuide afayadizos.
  5. Afalar la investigación, asistencia y l’intercambiu d’información científica, artística y técnica en materia cinematográfico ente los miembros, lo mesmo que con entidaes asemeyaes estatales o estranxeres.
  6. Impulsar l’anovación, la formación continua, el desendolque y perfeccionamientu de les estremaes especialidaes rellacionaes directa o indirectamente col sector cinematográficu asturianu.
  7. Fomentar na infancia y na mocedá programes qu’avere a éstos al conocimientu de los oficios del audiovisual y al so análisis críticu.
  8. Esixir una política de recursos públicos pal fomentu y l’afitamientu de la cinematografía asturiana.
  9. Facilitar a l’Alministración Pública los informes que-y pidan sobro materies rellacionaes cola producción cinematográfica, amás de proponer a la mesma iniciatives que l’Academia cuide acionaes.
  10. Intervenir na redacción y aprobación de tolos elementos llexislativos y normativos oficiales qu’afecten al cine en cualesquiera de les sos acepciones.
  11. Cualesquier otra actividá que busque elevar el nivel artísticu, técnicu o científicu de los sos miembros y aguiyar el de los ciudadanos dando a les artes cinematográfiques asturianes el nivel artísticu que merecen y la constructiva collaboración ente l’Alministración Pública y les persones rellacionaes con estes artes.