I Muestra de cine escolar “Esta escuela ye de cine”

I Muestra de cine escolar “Esta escuela ye de cine”

L’Academia del Cine Asturianu, nel so afán por promover la cultura cinematográfica ente l’alumnáu asturianu al traviés de la realización de curtiumetraxes de xéneros y temátiques estremaes, convoca esta I Edición de la Muestra de Cine Escolar «Esta escuela ye de cine».

L’alumnáu asturianu de Educación Infantil, Primaria, Educación Secundaria Obligatoria, FP  y Bachilleratu, matriculaos en cualquier centru educativu asturianu, van poder participar realizando un curtiumetraxe  d’una duración inferior a los 15 minutos.

Nesta I Edición de la Muestra de Cine Escolar de l’Academia del Cine Asturianu, los curtiumetraxes van ser de xéneru documental, y anque la temática va ser llibre va valorar positivamente que se centren en personaxes, fechos o llugares del barriu o parroquia onde s’asitia’l Centru Escolar.

Establécese un máximu de cuatro curtiumetraxes presentaos por cada Centru Educativu, y ye posible la collaboración ente dellos centros educativos.

El plazu d’inscripción y receición de los trabayos cerrará’l LLUNES 29 de MAYU.

Esta I Muestra de Cine Escolar de la Academia del Cine Asturiano cuenta cola collaboración de la Oficina de Normalización Llingüística de Xixón, poro, la llingua vehicular tien de ser l’asturianu o eonaviego.  Esto nun quier dicir que los personaxes qu’apaezan nel documental tengan que falar sí o sí estes llingües, pero sí favorecer les rotulaciones o subtítulos nes mesmes.

Van establecese 3 premios, consistentes en llotes de llibros y materiales diversos, por nivel educativu (Infantil, Primaria, Secundaria/FP y Bachiller). Los curtiumetraxes ganadores van ser presentaos nun actu especial. Los premios consistirán en troféu conmemorativu y llote de llibros y materiales pa los centros que resulten ganadores.

 

Amás del curtiumetraxe, tendrá d’unviase la siguiente documentación (incluida nel formulariu):

  • Fueya d’Inscripción del Curtiumetraxes debidamente rellenada.
  • Dos fotografíes del curtiumetraxe en formatu JPEG o PNG (semeyes de rodaxe o semeya fixa y en formatu horizontal).
  • Cartelu del curtiumetraxe en formatu dixital (El diseñu en formatu vertical, como los cartelos habituales de la cartelería de cine.)
  • Fueyes d’Autorización de toles persones qu’apaezan nel curtiumetraxe, esto ye, actores y actrices, tanto si son menores como mayores d’edá (Habrá un modelu d’autorización disponible na web).
  • En casu d’alumnáu menor d’edá, les autorizaciones van tener que tar roblaes polos sos proxenitores o responsables llegales.

 

Bases

Fueyes d’Autorización 

FORMULARIU d’INSCRIPCIÓN